day-5

今天開始一連2日打化療。
在這裡可以話不敢偷閒。

都幾多野做。好多野都要量要記，小便，大便，食物。
朝早7點就嗌醒量血壓，量完又訓過，到8點半，就食早餐。

食完早餐，就好快要沖涼。
9點幾開始包喉仔，包佐幾個字。

呢度嚴d 比屯們醫院。
漱口水都有3種，鹽水、普通漱口水、人工唾液。

仲要分開時間嗽。

化療藥打完，而家有時打嗝，係副作用。
仲吊緊鹽水，因驚我膀胱太傷。

食完晚飯後，好似冇咩小便。
姑娘入黎叫我磅重。
咦，今朝先69，一睇72.5。

就幫我打去水針了。
打完好快就有。因我要記錄容量
8:20pm 300ml
8:30pm 300ml
8:45pm 100ml
9:05pm 300ml
一個鐘去四次。

而家又睇返悶悶野，資治通鑑，我真係條歷史jj。

媽媽打黎，call back her sin

day-6

前2天還未調節過來，今天打得詳細點。
今日是day-6。
都是在打抗生素中。
另外，今日亦要打化療背隻針。打完後要躺在床上6個鐘，盡量唔郁。

其實都幾多野做。

伙食比我想像中好好多，有得選擇3個餐，每日都唔同。要多要少，任我點。

最麻煩的就是要記錄很多事，飲過幾多水，食過幾多野，小便……都要記錄。

黎緊，能力許可，都要記下這移植的日子。

近排，開始睇纏論。纏中說禪，這個博客真係勁，作者已經仙遊，但佢學識淵博，可以套入去炒股到，高水準。

原來呢度冇wifi，我仲以為有。香港政府真係要諗諗佢。上網search，其他鄰國如新加坡，好多國家醫院都提供wifi，反觀香港好多野都落後。

而家都係用緊手機上網，希望d數據能夠令我享用之後的日子。

終於入院了

終於入院。

原本今日話係去檢查「喉仔」，但護士話個傷口有血水，d色水唔多好，就變佐提早一日入院。

這天是day-8。
移植當天是day0。

過佐很多日冇打tim。懶。

條喉擺在1日，5號晚就去佐急症室，因為滲血。即晚就走得，佢話係d血塊。

到而家15號，都ok的。

抖佐幾個鐘，中午只係扒佐幾啖飯。肚又餓。廢事落床，驚傷口滲血，所以冇咩點飲水。幾渴下。

抖到5點，阿媽黎接我走。
返到去個傷口隱隱作痛。

8：30 Timo黎探我，佢係耶撚。
我唔信，不過同佢有講下靈性的問題。
如果下下反駁佢就無謂，朋友都有時唔可以講到咁盡。

而家11點，訓在床上很舒服 。
今年六四，我又去唔到維園集會記念。

想像一下，來年今日我恢復正常生活，可以去六四集會啦。

這一句，是從secret系列書 力量 學來的。
今日我也看了差不多一半。

明天又要早起，去裝希克文導管。

岩岩聽到隔離有個病人，被病房經理叫唔好玩屎……

嫲嫲走了

嫲嫲走了，前日老豆返大陸，昨天夜晚先出返黎。

好似話係阿伯上香俾爺爺時，坐在後面的阿嫲就仙遊了。佢成九十幾，活到咁長命都算係咁。

今日六四，我入返醫院抽骨髓化驗。入到F2，醫生又話應該係瑪麗醫院個邊抽，今日唔駛入黎，只係入黎裝希克文導管。

入到去要訓走廊，張床好硬。

不過擾攘一輪，夏醫生都幫我抽佐骨髓。
而家訓緊原本的電動床，因為我要訓着壓着股骨個傷口。